Próximamente :Creamos(nos) con participación de varias compoñentes de colectivo 2065

Colectivo 2065 invítavos á inauguración de Creamos (nós) exposición na que participan varias das compoñentes do colectivo. 
Será o próximo 8 de Marzo ás 20.00h .

Fuxindo de victimismos, Creamos (nós) presentará obra de artistas que hoxe se atopan creando na Galicia actual, dunha xeración de tecedoras da cultura que de algunha maneira reivindican a posición da muller na arte contemporánea, descubrindo con iso novos paradigmas de creación.

CREAMOS(NÓS) ; mulleres artistas en 1ªpersoa, fai un guiño dende o propio título ó binomio crer/crear, enfatizando o papel fundamental que respecto á arte das últimas décadas tivo tanto o pensamento feminista, como a aportación de numerosas mulleres artistas.

Este é un proxecto expositivo que se construe con diferentes liñas discursivas enriquecedoras, colocando tiles e poñendo en evidencia algúns dos principais asuntos cuestionados nas últimas décadas por artistas femininas (identidade, sexualidade, maternidade, familia, xénero, memoria, vida cotiá, espazo privado e público... ), vertentes temáticas argumentadas dende pintura, escultura, instalación, debuxo, grabado, ilustración e indumentaria. 

Esta mostra estará dedicada na súa totalidade á producción artistica feminina en Galicia propiciando un diálogo multixercional, heteroxéneo en canto a formación, orixe geográfica, temáticas e disciplinas. Baixo a premisa de esnaquizar os esterotipos para presentar unha visión fresca, dinámica e movilizadora da vinculación do xénero ó mundo da arte, co respeto que merece, pero ó mesmo tempo coa reflexión crítica e diverxente como principio.

Paula Cabaleiro

Comisaria

"Andante"

Últimas (andanzas) dalgunhas das artistas do colectivo. Convidadas por Ramón Álvarez a formar parte dun interesante proxecto, "Andante".
Unha colección que o seu creador define como "aberta, atemporal e democrática" e que vai crecendo día a día. 
A continuación deixámosvos algunhas fotografías das obras de Paula Cabaleiro, Carmen Cabaneiro, Silvia Capelo, Basilisa Fiestras e Paz Vicente, que xa forman parte da colección.

Algunhas fotos da montaxe e inauguración de 8 k de Memoria no CC Vila de Móstoles

Enlaces sobre 8k de Memoria en Móstoles

Deixámosvos varios enlaces sobre a exposición "8 k de Memoria"

Portal do sur
Web Concello Mostoles

A Guía da túa Zona

Madrid actualidade

Móstoles actualidade

A Quincena
TuZonaEs.com 

Imaxes oficiais da inauguración Móstoles concello

8k de memoria. Centro Villa de Móstoles (Madrid)

8k de memoria. Exposición colectiva multidisciplinar de:

PAULA CABALEIRO*PAZ VICENTE*SILVIA CAPELO*BASILISA FIESTRAS

BEATRIZ S. SAÁ*MAGATZEM 909 MC*LIDIA COSTA*CARMENCABANEIRO

**Inauguración 4 de Setembro, ás 12.00h** 

Centro Vila de Móstoles (Madrid)

Tal como dicía Jorge Luis Borges " Somos a nosa memoria, somos ese quimérico museo de formas inconstantes, ese montón de espellos rotos". Nada hai tan persoal, tan subxectivo coma a memoria.   Este é o punto de partida sobre o que cada unha das compoñentes do Colectivo 20 65 reflexionan, para,  finalmente, crear unha obra cunha visión crítica e persoal. É desta pluralidade de expresións e interpretacións de onde xurdirá unha exposición tan diversa, plural, heteroxénea e interesante como os plantexamentos de partida. 

Paula Cabaleiro traballa co envoltorio, a vestimenta, o espazo... trazando pontes entre o real e o ficticio. Ese xogo evidénciase, en ocasións, coma un enlace entre o tempo presente e o tempo suspendido da ruína, ou alude ao espazo privado como lugar onde arquivar prexuízos nesa visión persoal na que pon de manifesto as ideas de condicionamento de xénero e clase social determinadas. 

A poesía visual, na obra de Carmen Cabaneiro, transmutará a Memoria en "Retorno aos catro elementos, a Heráclito, ao albor do labirinto, á saída do vampirismo voraz, de recursos naturais, humanos e sociais".

Tamén a obra de Silvia Capelo fará un percorrido pola ruína, polo espazo, o pasado, analizándoo dende o seu contexto histórico e social. Finalmente transportaranos á infancia, a un universo de recordos, de xogos infantís vividos ou soñados que compartimos no seu arquivo.

A obra de Lidia Costa, baseada na súa experiencia persoal, fai referencia á súa busca e reencontro co pasado, co efimero e determinante na súa visión do tempo presente que trasladará a imaxes e sensacións.

Basilisa Fiestras reinterpreta e arquiva, coa súa particular visión e linguaxe, os obxectos do seu ámbito inmediato, dándolles unha nova identidade na que se mesturan a orde física e a desorde mental, o público e o privado nun dilatado proceso de investigación.

Beatríz S. Saá formúlase na súa obra cuestións sobre os límites entre a razón e a cordura, tal e como apuntaba Albert Einstein na súa coñecida frase "Estou tolo eu ou os tolos son os demais", e revisa os discursos sobre o xénero dende esta perspectiva. 

Impaciencia absoluta dun desexo de memoria. Como chamar ao arquivo inscrito no corpo? Recordos, titulares esvaídos polo transcorrer do tempo mentres a súa pegada na memoria permanece... Este será o punto de partida de Paz Vicente para poñer de manifesto a súa reconstrución do pasado.

Pola súa banda, Magatzem 909 MC (Carolina Miranda Araujo) dá forma ás arquitecturas do arquivo, a eses lugares onde se acumula o tempo mediante unha serie de fotografías convertidas, por un instante, no seu soporte físico.

A Memoria, diluída polo tempo ou fixa e inmóbil no noso cerebro; épica do cotián, poética do vivido, confórmase, en "8 k de Memoria" a través desa variedade de matices.

Colectivo 20º65, 2012

En breve en Madrid

Pronto poderedes gozar do noso novo proxecto.

 Será no Centro Cultural Vila de Móstoles (Madrid)

Adiantámosvos algunhas imaxes do que poderedes ver.

Proximamente

Un anticipo da nosa próxima exposición

 Será en Madrid. Irémosvos anticipando máis cousas en breve